Ko'rsatilayotgan xizmatlarni yaxshilash maqsadida biz saytda cookie-fayllardan foydalanamiz. Saytda qolishingiz, maxfiylik siyosati va shaxsiy ma'lumotlardan foydalanish shartlarini qabul qilganingizni anglatadi.

Shrift o'lchami

Ovoz berishni yoqish

Alisher Navoiy tavalludining 580 yilligiga

anv

Alisher Navoiy (1441-1501)

RUBOIYLAR

***

Ko`k po`yavu sayr ila talabgor sanga,
Kun sorg`oribon ishqda bemor sanga,
Oy dog` ila qulluq aylab izhor sanga,
Tun anjumi naqdidin xaridor sanga.

***

Yo rabki, inoyatingni yor ayla manga,
Yo`qluqqa hidoyatingni bor ayla manga,
Har kahfi kifoyatingni dor ayla manga,
Har durri inoyating nisor ayla manga.

***

Jonimdog`i «jim» ikki dolingg`a fido,
  Anding so`ng «alif» toza niholingg`a fido,
«Nun»i dog`i anbarin hilolingg`a fido,
Qolg`on iki nuqta ikki xolingg`a fido.

***

Bu qosid ishim ohu fig`on ayladilo,
Bu ruq`a tanimni notavon ayladilo,
Bu sa`b xabar ichimni qon ayladilo,
Bu qonlig` ichim haloki jon ayladilo.

***

Nomangki, tirikligimdin uldur matlub,
Ochib o`qug`och bir necha lafzi marg`ub,
Ko`p to`lg`onib, ashk ichra o`zumdin bordim,
Ul nav`ki, suv ichiga tushgay maktub.

***

Nomangkim, erur boisi iqbolu tarab,
Etkursa tarab meni hazing`a, ne ajab,
Yolg`uz mendin ketarmadi ranju taab,
Kim bo`ldi base xalq hayotig`a sabab.

***

Bir aybg`a garchi xalq qilg`ay mansub,
Faqr ahlidin iztirob emastur mahsub,
Sidq ersa xud etmak kerak o`z fe`lini xo`b,
Kizb ersa malomat dog`i bordur matlub.

***

Suv ko`zgusini bog` aro aylarda shitob,
Siymob qilur erdi taharruk bila tob.
Day qildi bu simobni andoq ko`zgu,
Kim ko`zgu aning qoshida bo`lg`ay siymob.