O'Z 
РУС
ENG
“Uzbekistan Airways” Aksiyadorlik jamiyati Boshqaruvi raisining korrupsiyaga qarshi kurashish va uni bartaraf etish yuzasidan murojaati
Hurmatli O‘zbekiston Respublikasi fuqarolari va mehmonlari!
"Uzbekistan Airways" AJ boshqaruvi nomidan eng muhim mavzu - kompaniyamiz "Uzbekistan airways" AJ va umuman aviatsiya sohasida korrupsiyaga qarshi kurashish bo‘yicha murojaat qilmoqchiman.
So‘nggi yillarda O‘zbekistonda korrupsiyaga qarshi kurashish masalasi dolzarb ahamiyat kasb etib, davlat va jamiyat boshqaruvining turli sohalarida korrupsiyaga qarshi keskin va murosasiz kurash olib borilmoqda. Mamlakatimizda bu borada salmoqli huquqiy va institutsional baza yaratildi - bir qator qonun va qonunosti hujjatlari qabul qilindi, muhim tashkiliy-huquqiy islohotlar amalga oshirildi, O‘zbekiston ko‘plab xalqaro tadbirlarda ishtirok etmoqda, shu bilan birga, korrupsiya bilan bog‘liq jinoyatlar ommaviy axborot vositalarida deyarli har kuni yoritilmoqda, deb bemalol aytish mumkin.
Korrupsiya nafaqat tashkilotimiz obro‘siga, balki butun mamlakat barqarorligi va taraqqiyotiga tahdid soladi. U yo‘lovchilar, hamkorlar va umuman jamiyatning ishonchini yo‘qotadi, resurslardan samarali foydalanishga to‘sqinlik qiladi va raqobatbardoshlikni pasaytiradi.
Korrupsiyaga qarshi kurashish - bu bizning korporativ siyosatimizning ajralmas qismi va jamiyat, davlat va siz, hurmatli yo‘lovchilar va hamkorlarimiz oldidagi majburiyatimizdir. Faqat halol va ochiq munosabatlar bizga xizmat ko‘rsatish sifatining yuqori standartlariga erishish va xizmatlarimizning ishonchliligini ta’minlash imkonini berishiga qat’iy ishonamiz.
Kompaniyamizda xavfsizlik, halollik, shaffoflik va mas’uliyat tamoyillariga amal qilamiz. Bizning fikrimizcha, har bir xodim o‘z vazifasini vijdonan bajarishi va axloqiy me’yorlarga qat’iy rioya qilishi kerak. Korrupsiya ko‘rinishlariga murosasiz bo‘lish siyosatimizning muhim tarkibiy qismidir.
Biz birgalikda aviatsiya sanoatining barcha ishtirokchilari uchun xavfsiz va ishonchli muhit yaratmoqdamiz. Korrupsiyaga qarshi kurashish masalalarida sizning hamkorligingiz va qo‘llab-quvvatlashingiz umumiy maqsadlarga erishish - milliy aviatsiyani rivojlantirish, xizmat ko‘rsatish darajasini oshirish va mamlakatimizning xalqaro maydondagi obro‘sini mustahkamlash uchun juda muhimdir.
Barchani ogoh bo‘lishga, korrupsiyaviy xavf-xatarlarni keltirib chiqarishi mumkin bo‘lgan holatlarga yo‘l qo‘ymaslikka va har qanday qonunbuzarlik holatlari haqida faol xabar berishga chaqiraman. Faqat birgalikdagi sa’y-harakatlar bilan kompaniyamizning halol va shaffof ishlashini ta’minlash, uning obro‘sini mustahkamlash va milliy aviatsiya rivojiga hissa qo‘shishimiz mumkin.
Ishonchingiz va birgalikdagi sa’y-harakatlarimiz bilan ishimizni halol, shaffof va samarali qilishimizga bo‘lgan ishonchingiz uchun tashakkur bildiraman!
Agar siz “Uzbekistan Airways” Aksiyadorlik jamiyati xodimlari tomonidan korrupsiya harakatlariga guvoh bo‘lsangiz, bu haqda:
“Uzbekistan Airways” Aksiyadorlik jamiyatining rasmiy veb-saytidagi qayta aloqa kanali
- (“Korrupsiyaga qarshi kurashish” bo‘limi;
- anticorruption@uzairways.com elektron pochta manzili;
- Telegram messenjeridagi @compliance_control_uzairways kanali;
-“Facebook” ijtimoiy tarmog‘idagi https://facebook.com/uzairways.official rasmiy sahifasi;
- +998(78)140-02-00 raqamli Yagona Aloqa markazi orqali xabar berishingiz mumkin.